Талас району менен Бакай-Ата районуна жеке ишкер 2 тез жардам унаасын белек кылды.
Маалым болгондой, ишкер Бакай-Ата районунун Түйтө айылынын тургуну. Ал коронавирус менен күрөшүүгө салым кошуу үчүн тез жардам унаасын алып берүүнү чечкен.
«Бүгүн өзүбүздүн уулубуз Улан Сырдыбаев Талас району менен Бакай-Ата районуна тез жардам унаасын белекке берип жатат. Бул илдет менен күрөшүүдө бардык медициналык каражаттар өтө керектүү. Баарыбыздын атыбыздан ыраазычылык билдиребиз», — деди Талас облусунун жетекчисинин биринчи орун басары Канымет Осмонбеков.