Жогорку Кеңештин Конституциялык мыйзамдуулук жана мамлекеттик түзүлүш комитети бүгүн, 19-январдагы жыйынында оппозициялык фракциядан вице-спикер болуучу талапкерди бекитти.
«Өнүгүү-Прогресс» фракциясы депутат Улан Исмаиловду, ал эми «Ата Мекен» фракциясы Нурбек Сыдыгалиевди талапкер кылып көрсөткөн.
Эске салсак, Мирлан Бакиров вице-спикердик кызматын өткөрүп берип жатканын Жогорку Кеңештин 23-декабрдагы жыйынында билдирген.
«Өнүгүү- Прогресс» парламенттик фракциясынын сунушуна ылайык депутат Мирлан Бакиров 2017-жылдын 13-декабрында Жогорку Кеңештин төрагасынын орун басары болуп шайланган.
Мирлан Бакиров 2020-жылдын 4-октябрында өткөн парламенттик шайлоодо көп добуш алганы жарыяланган «Мекеним Кыргызстан» партиясынын тизмесин жетектеген.
Шайлоо жыйынтыгына нааразы болгон коомчулуктун 5-6-октябрдагы толкундоосунан кийин бийлик чукул алмашкан жана парламенттик шайлоонун баштапкы жыйынтыгы жокко чыгарылган.
