Бүгүн, 27-ноябрда Парламенттин жалпы жыйынында президентке импичмент жарыялоо демилгеси көтөрүлдү.
Башкы прокуратуранын жана башка тиешелүү органдардын маалыматтарын угууну күн тартибине киргизүүнү сунуштайм. Кыргызстандан чыгарылган каражаттар, Саймаитинин өлтүрүлүшү жана кыргыз консулунун унаасы кылмыш болгон жерден табылуусу боюнча маалымат берсин. Булардан улам президентке импичмент жарыялоону да талкуулоо керек. Себеби, булардын баары бийликтин башчылыгы алдында болуп жатат деп айта алам. Ошондуктан күч органдары келип маалымат берип, эмне болуп жатканын түшүндүрсүн. Эмне үчүн эл аралык изилдөөлөр башка фактынын айтып жатса, ал эми бизде баары жакшы, УКТ жок, аткезчилик жок деп гана тим болуп жатабыз, — деди депутат Ирина Карамушкина.
Депутат Улан Примов президент Сооронбай Жээнбековго импичпент жарыялоо маселесин козгогонго эч кандай негиз жоктугун, ал жөнүндө сөз болушу мүмкүн эместигин билдирди. Ал мамлекет башчысы өзүнүн Конституциялык укуктарын пайдаланып, өз милдетин так аткарып жатканын кошумчалады.
Эл өкүлдөрү Азамат Арапбаев, Алмазбек Токторов импичмент жөнүндө ойлорго кошулбай тургандарын айтышты.
Депутат Наталья Никитенко болсо кезинде Өмүрбек Текебаев “Ата Мекен” фракциясынын лидери болуп турган учурда ошол учурдагы президент Алмазбек Атамбаевге импичмент жарыялоо маселесин козгогонун эстеди. Никитенко Текебаев бир топ иштер боюнча Атамбаевди айыптаганын билдирип, азыр ошол маселелер боюнча мурдагы президентке айыптар тагылып жатканын белгиледи.
Жогорку Кеңештин депутаты Эмилбек Жусупов 20-апрелде мандатын тапшыруу боюнча Борбордук шайлоо комиссиясына (БШК) арыз жазды. …
Жогорку Кеңештин 13-марттагы жыйынында Шайлообек Атазов депутаттык мандатынын алынышы, Райымбек Матраимов менен байланышы боюнча билдирүү …
Жогорку Кеңештин депутаты Айбек Осмонов Түркияга дарылануу үчүн кеткен. Бул тууралуу ал 28-февралда “Азаттыкка” билдирген. …
«Чет элдик өкүл» мыйзамы чийки болуп калды. Мындай пикирин Жогорку Кеңештин депутаты Эльдар Абакиров билдирди. …
Бакыт Төрөбаев айыл чарба министрлигине жетекчи болуп келиши менен алма-өрүк гүлдөп кетти. Бул тууралуу Жогорку …
ЖКнын жыйынында депутат Камила Талиева 3 жашар кыздын өлүмүнө айыпталып кармалган анестезиологдун үй камагына чыкканын …
