Жогорку Кеңештин аппаратынын дагы бир кызматкеринен COVID-19 вирусу аныкталды. Бул тууралуу ЖКнын басма сөз кызматынын жетексичи фейсбук баракчасы аркылуу жарыялады.
«Ал жугуштуу оорулар ооруканасында дарыланып жатат. Ал эми парламенттин депутаттары менен кызматкерлери коронавируска карата анализ тапшырууну улантууда», — деп жазган ал.
Бүгүн, 24-июнда саат 15:00гө карата Жогорку Кеңештеги 2 депутаттан жана Аппараттын 4 кызматкеринен коронавирус оорусу аныкталды. Вирус жуктурган депутаттардын бири – Бейшенаалы Нурдинов.