Жогорку окуу жайдын ректорлорун шайлоо эрежеси өзгөрдү

Бишкек. 03.08.2018.Govori.TV.

Мамлекеттик жогорку окуу жайдын жетекчисин шайлоого катышкандардын санынын элүү пайызынан ашык добуш алган талапкер шайланды деп эсептелет. Президент Сооронбай Жээнбеков 3-августта «Билим берүү жɵнүндɵ» мыйзамга киргизилген өзгөртүүлөргө кол койду.

«Кабыл алынган Мыйзамдын 38-беренесинин 7-бөлүгү жаӊы редакцияда баяндалган, ага ылайык, мамлекеттик жогорку окуу жайдын жетекчисин шайлоого катышкандардын санынын элүү пайызынан ашык добуш алган талапкер шайланды деп эсептелет. Эгерде талапкерлердин бири да добуштардын зарыл санын албаган учурда, кайра добуш берүү өткөрүлөт, ага добуштардын көпчүлүк санын алган эки талапкер катышат. Кайра добуш берүүгө катышкандардын санынын элүү пайызынан ашык добуш алган талапкер шайланды деп эсептелет»,-деп айтылат маалыматта.

Шайланган талапкерди шайлоо өткөрүлгөн күндөн тартып он күндүн ичинде билим берүү жаатындагы ыйгарым укуктуу мамлекеттик органдын жетекчиси мамлекеттик жогорку окуу жайдын жетекчисинин кызмат ордуна бекитет.

«Улуттук» деген статусу бар мамлекеттик жогорку окуу жайдын жетекчиси шайлоо өткөрүлгөн күндөн тартып он күндүн ичинде премьер-министр тарабынан бекитилет.

Мыйзам расмий жарыяланган күндөн тартып он күн өткөндөн кийин күчүнө кирет.

Мыйзам Жогорку Кеңеши тарабынан 2018-жылдын 21-июнунда кабыл алынган.

Мыйзам жогорку окуу жайлардын жетекчилерин шайлоону жүргүзүүнү жакшыртуу жана билим берүү мекемелеринин академиялык эркиндигин өнүктүрүү максатында кабыл алынган.

Буга чейинки эреже боюнча, Кыргыз улуттук университети сыяктуу бир катар окуу жайлардын ректорун эмгек жамаат шайлап, өкмөт бекитет.

Ыкчам маалымат алуу үчүн, бул шилтеме аркылуу https://t.me/govori_tvбиздин телеграмга жазылыңыз!

Подписаться:

Тема боюнча

Үч округдан 42 киши талапкер болуу үчүн арыз берди

28-мартта Ош, Кара-Суу жана Баткен бир мандаттуу шайлоо округдары боюнча Жогорку Кеңештин депутаттарын мөөнөтүнөн мурда …

Кененирээк

Баткен жана Кара-Суу округдарындагы шайлоого талапкерлер арыз берүүдө

Борбордук шайлоо комиссиясына №2 Баткен жана №9 Кара-Суу бир мандаттуу шайлоо округдары боюнча Жогорку Кеңештин …

Кененирээк

Жол эрежесин бузган айдоочуларга салынган айып пулдун тууму жокко чыгарылды

Жол эрежесин бузган айдоочуларга салынган айып пулдун кошумча тууму жокко чыгарылды. Бул тууралуу ЖКККББнын маалымат …

Кененирээк

Депутат Боронбаев мандатын тапшыруу боюнча арыз жазды. Ордуна ким келет?

ЖКнын “Ата Журт-Кыргызстан” фракциясынын депутаты Абдыбахаб Боронбаев мандатын тапшыруу үчүн Борбордук шайлоо комиссиясына арыз жазды. …

Кененирээк

Алагөзов: Садыр Жапаров экинчи мөөнөттөгү шайлоого катышат

Садыр Жапаров кийинки президенттик шайлоого катышат. Бул тууралуу «Кабар» агенттигине президенттин маалымат катчысы Аскат Алагөзов …

Кененирээк

Бир аптада 20 миңден ашык жол эрежесин бузуу фактысы катталган

Кыргызстандын аймагында 27-ноябрдан 3-декабрга чейинки аралыкта 20 миң 762 жол эрежесин бузуу фактысы катталган. Бул …

Кененирээк