Жогорку соттун төрагасынын орун басарларынын саны көбөйүшү мүмкүн. Бул тууралуу 23-сентябрда Жогорку Кеңештин бюджет, экономикалык жана фискалдык саясат боюнча комитетинин жыйынында белгилүү болду.
Жогорку соттун төрагасынын кылмыш иштери боюнча орун басары Нурлан Мусаевдин айтымында, президент тарабынан демилгеленген мыйзам долбоору менен «Кыргыз Республикасынын Жогорку соту жана жергиликтүү соттор жөнүндө» Конституциялык мыйзамга өзгөртүү киргизүү сунушталууда. Алар Жогорку соттун түзүмүн санариптештирүү маселелери боюнча Жогорку соттун төрагасынын орун басары кызматын киргизүүнү сунуштап жатышат.
«Ошол эле учурда Жогорку соттун судьяларынын жалпы саны өзгөрбөйт жана 35 бойдон калууда, анткени Жогорку соттун төрагасынын санариптештирүү маселелери боюнча орун басары башка орун басарлар менен бирге азыркы судьялардын ичинен дайындалат », — деди Мусаев.
«Жогорку соттун судьясы менен орун басарынын айлыгы 162 миң сомду түзөт, ушул гана айырманы бөлүп берүүнү суранабыз», — деп кошумчалады Мусаев.
Президенттин жана Министрлер Кабинетинин өкүлү Алмасбек Абытовдун айтымында, мыйзам долбоору президенттин администрациясы тарабынан иштелип чыккандыктан, ал Министрлер Кабинети менен макулдашылган, ошондуктан Жогорку соттун төрагасынын орун басары айткан каражаттар бюджетте каралган.
Талкуунун жыйынтыгында комитет мүчөлөрү долбоорду биринчи окууда жактырышты.
Жогорку сот Жогорку Кеңештин мурдагы депутаты Өмүрбек Бакировду актоо чечимин чыгарды. 2023-жылы декабрда Ноокат райондук …
Россияда жүргөн кыргызстандык эмгек мигранттарынын 1,3 млн рублдан ашык эмгек акысы кайтарылып берилди. Бул тууралуу …
1-апрелден тарта мугалимдердин айлыгы эки эсе жогорулады. Бул тууралуу агартуу министри Догдуркүл Кендирбаева маалымат жыйынында …
2020-жылдан бери соттордун ишине сырттан кийлигишкен кураторлор жок. Бул тууралуу Жогорку соттун төрагасы Медербек Сатыев …
Президент Садыр Жапаров “Бюджеттик чөйрөсүнүн айрым кызматкерлеринин эмгек акы төлөө шарттарын өркүндөтүү боюнча чаралар жөнүндө” …
1-апрелден тартып медицина кызматкерлеринин эмгек маяналары 100% көтөрүлөт. Бул тууралуу президенттин басма сөз катчысы Аскат …
