Бишкекте милициянын кайгуул-күзөт кызматкерлеринин мыйзамдуу талаптарына баш ийбей, орой мамиле жасаган адам — грек-рим күрөшү боюнча Азия чемпионаттарынын бир нече жолку байге ээси жана Олимпиада оюндарынын катышуучусу, 36 жаштагы М. Р. аттуу адам кармалды. Бул тууралуу Бишкек шаардык ички иштер башкармалыгынын (ШИИБ) басма сөз кызматы кабарлады.
Маалыматта белгиленгендей, аталган окуя 3-апрелде катталып, кайгуул кызматы Li үлгүсүндөгү унааны токтоткон. Текшерүү учурунда аныкталгандай, айдоочу 1990-жылы туулган М.Р. Азия чемпионатынын бир нече жолку байге ээси жана Олимпиада оюндарынын катышуучусу болуп чыккан.
«Ал агрессивдүү жүрүм-турум көрсөтүп, орой сөздөрдү колдонуп, милиция кызматкерлеринин мыйзамдуу талаптарына баш ийген эмес. Ал Республикалык психиатрия жана наркология борборуна медициналык кароого жөнөтүлүп, жыйынтыгында баңгизат колдонгондугу аныкталган. Ошол эле күнү М.Р. Биринчи май райондук милициясына жеткирилип, Укук бузуулар кодексинин 126-беренесине ылайык убактылуу кармоочу жайга киргизилген. Кийинчерээк соттун чечими менен ал Бишкек шаардык милициясынын атайын кабыл алуу жайына 3 суткага камакка алынган. Мындан тышкары, Кылмыш-жаза кодексинин 283-беренеси (сатуу максатын көздөбөстөн баңги каражаттарын, психотроптук заттарды жана алардын аналогдорун мыйзамсыз даярдоо) боюнча кылмыш иши козголгон», — деп жазылат маалыматта.
Кылмыш ишинин алкагында шектүүнүн жашаган жеринде тинтүү жүргүзүлүп, күрөң-жашыл түстөгү зат салынган ширеңке кутусу табылган. Экспертизанын корутундусуна ылайык, алынган зат гашиш экени аныкталган. Бул факт боюнча ал кылмыш жоопкерчилигине тартылган.
Бишкек шаарынын түштүк тарабында төрт күн жаратылыш газы берилбейт. «Бишкекгаз» кызматы билдиргендей, орто жана төмөнкү …
Бишкекте Аалы Токомбаев жана Байтик баатыр көчөлөрүнүн кесилиши убактылуу жабылат. Бул тууралуу мэриядан кабарлашты. Маалыматка …
Мэриядан билдиришкендей, 17-июнь саат 09:00дөн 18-июнь саат 06:00гө чейин төмөнкү аймактарда суу өчүрүлөт: Темир жол …
Бүгүндөн тарта Бишкекте Киев көчөсүн реконструкциялоо иштерине байланыштуу 14 автобустук каттамдын жүрүү чиймелери убактылуу өзгөртүлдү. …
Эртең, 16-июндан тарта Иманалиев көчөсүнүн 7-Апрель көчөсүнөн Жукеев-Пудовкин көчөсүнө чейинки бөлүгүндө унаалардын кыймылы убактылуу чектелет. …
Муниципалитеттен билдиришкендей, 16-июнда саат 10:00дөн 13:00гө чейин төмөнкү аймактарда суу болбойт: Суу “Батыш-2” суу топтомосунда …
