• Жума 20 Бугу 2022
  • Пятница 20 Май 2022

Жолчубеков жолдуу кайтты. Ирандык балбандын далысын жер жыттаткан

26 января 2018 в 17:26 Бишкек Govori.TV

Бишкек.26.01.2018.Govori.TV

Кыргызстандын спортчусу Каныбек Жолчубеков Иранда өткөн грек-рим күрөшү боюнча Takhti Cup 2018 эл аралык турниринин жеңүүчүсү болду.

Маалым болгондой, аталган турнир 25-январда Бендер-Мехшехр шаарында башталган.

К.Жолчубеков 60 кг чейинкилер арасында күч сынашып, алдын ала раундду ийгиликтүү жыйынтыктаган. Ал жарым финалда казакстандык спортчу Дастан Жарлыхановду 11:1 эсебинде утуп алды.

Ал эми, финалда кыргызстандык балбан ирандык Мехрдад Мардани менен күрөшүп, 6:0 эсебинде жеңишке жетишти.

Аталган медаль Кыргызстан үчүн Takhti Cup турниринин тарыхындагы алгачкы байге болду.

Количество просмотров: 5