Кыргызстандык спортчу Мээрим Жуманазарова Монголиядагы кыз-келиндер күрөшү боюнча Азия чемпионатынын жарым финалына чыкты.
Мээрим Жуманазарованын 68 кг салмакта алгачкы атаандашы Азия чемпионатынын эки жолку коло медалынын ээси казакстандык Мадина Бакбергенова болуп, аны 5:0 эсебинде утуп алды.
Кийинки кореялык Сужин Паркты кыргызстандык спортчу 10:0 эсебинде жеңди.
Чемпионат 19-24-апрель аралыгында Улан-Батор шаарында өтүүдө. Монголиядагы Азия чемпионатына Кыргызстандын атынан жалпы 21 балбан аттанган.