Коомдук телеканалдын (КТРК) журналисттерин сөгүп, акаарат айткан мэриянын Жер пайдалануу жана курулуш башкармалыгынын жетектөөчү адиси Рустам Бейшеналиев кызматынан бошотулду. Бул тууралуу мэриянын басма сөз кызматынан билдирди.
Кечээ «Ала-Тоо24» каналынын кабарчысы Бурулай Пусурманкуловага орой мамиле кылган мэриянын Жер пайдалануу жана курулуш башкармалыгынын жетектөөчү адиси Рустам Бейшеналиев Бишкек шаарынын мэриясынын Жер пайдалануу жана курулуш башкармалыгынын 2018-жылдын 9-августундагы №22-л буйругуна ылайык жумуштан бошотулду.
Аталган кызматкер Мамлекеттик жана муниципалдык кызматынын Этика кодексинин №5 беренесин так аткарбагандыгына, ошондой эле норма этиканы сактабагандыгына байланыштуу этика комиссиясынын тыянагы менен бошотулду деп айтылат маалыматта.
