Кыргызстанда жыл башынан бери мыйзамсыз акча алмаштырган 14 адамга айып салынды. Бул тууралуу «Кабар» агенттигинде өткөн маалымат жыйынында Улуттук банктын төрагасынын орун басары Нурбек Жеңиш билдирди.
Анын айтымында, КР Укук бузуулар жөнүндө кодексинин 299-беренесине ылайык, мыйзамда белгиленген тартипте берилүүчү лицензиясыз (күбөлүксүз) чет өлкө валютасы менен алмашуу операцияларын кошуу менен банк операцияларын жүргүзүү жеке адамдарга 175 эсептик көрсөткүч (17 миң 500 сом), юридикалык жактарга – 550 эсептик көрсөткүч (55 миң сом) өлчөмүндө айып пул салууга алып келет.
«Соода боюнча өнөктөш өлкөлөрдүн валюта рынокторунда орун алып жаткан жагдайлардан улам, учурда түптөлгөн шарттар жана жагдайлар валюта алмашуу боюнча жөнгө салынбаган ар кандай рыноктордун пайда болушуна ыңгайлуу шарттарды түзүп жаткандыгын белгилеп кетүү зарыл. Улуттук банк туруктуу негизде лицензиясыз иш алып барууга бөгөт коюу чараларын жүргүзүп турат, алардын алкагында укук коргоо органдары менен биргеликте Улуттук банктан лицензия албастан нак чет өлкө валютасы менен алмашуу операцияларын жүргүзгөн жактарды аныктоо боюнча рейддик текшерүүлөрдү жүргүзүп турат», — деди Нурбек Жеңиш.
Ал Улуттук банк учурда жагдайды көзөмөлдөп жатканын, зарылчылык келип чыкса өлкөнүн банк жана төлөм системаларынын туруктуу жана коопсуз ишин андан ары камсыздоо үчүн кошумча чараларды көрөрүн кошумчалады.
Улуттук банк мыйзамсыз акча алмаштырган 6 жаранга айып салды. Финансылык жөнгө салуучу органдан билдиришкендей, Жалал-Абад …
Кыргызстандын Улуттук банкы Бишкектеги бир катар акча алмаштыруучу жайлардын лицензиясын убактылуу токтотту. Улуттук банктан билдиришкендей, …
Финансылык жөнгө салуучу органдан билдиришкендей, Улуттук банктын лицензиясы жок нак чет өлкө валютасы менен алмашуу …
2023-жылдын башынан тартып Улуттук банк тарабынан 25 акча алмаштыруучу жайга инспектордук текшерүү жүргүзүлдү. Финансылык жөнгө …
Улуттук банк борбор калаанын эки акча алмаштыруу жайынын лицензиясын кайтарып алды. Финансылык жөнгө салуучу органдын …
Улуттук банк мыйзамсыз акча алмаштырган 2 жаранга айып салды. Бул тууралуу Улуттук банктын расмий сайтында …
