Жыл башынан бери темир жолдогу кырсыктан 6 адам каза болду. Бул тууралуу «Кыргыз темир жолу» ишканасынан билдиришти.
Темир жолчулар белгилегендей, кырсыктын негизги себептери болуп темир жолдогу коопсуздук эрежелерин сактабагандык эсептелет.
«2023-жыл башынан бери темир жолдо 76 жолу поезддерди чукул токтотуу фактылары катталган. Анын ичинен 67 учурда кагылышуу алдын алынып, адамдардын өмүрү сакталган. Тилеке каршы 3 адам жаракат алып, 6 адам каза болгон»,-деп жазылат маалыматта.