1-сентябрда парламент жайкы эс алуудан кийин ишин баштайт. Бул тууралуу Жогорку Кеңештин басма сөз кызматы кабарлады.
Маалыматка ылайык, 1-сентябрда VI чакырылыштагы Жогорку Кеңештин кезектеги сессиясы ачылат.
30-июнда VI чакырылыштагы Жогорку Кеңештин жетинчи сессиясы ишин аяктаган. Аталган сессияда жалпысынан 136 мыйзам, 614 токтом кабыл алган. Жогорку Кеңештин регламентине ылайык, депутаттар 1-июлдан тартып өлкө аймагындагы шайлоочулар менен жеринде иш алып барып, август айында эмгек өргүүсүнө чыгышмак.