Бишкек.30.10.2018.Govori.TV
Ысык-Көл облусуна караштуу Түп районунда 13 жаштагы бала асылып турган жеринен табылды. Бул тууралуу ИИМдин басма-сөз кызматы билдирди.
Маалыматка ылайык, 26-октябрда саат 17:00 чамасында аталган райондун Сары-Дөбө айылында 2005-жылы туулган өспүрүмдүн сөөгү табылган.
Маркумдун айылдан алыс эмес жердеги коктуда өскөн даракка асынып алганы белгилүү болду. Учурда бул окуя боюнча иликтөөлөр башталды. Бирок анын жакындары соттук-медициналык экспертиза өткөрүүдөн баш тартышкан.