Бишкек шаарында ажатканага түшүп кеткен 1,5 жашар бала аман калды. Бул тууралуу Өзгөчө кырдаалдар министрлигинин басма сөз кызматы билдирди.
Маалым болгондой, 4-майда Бишкектин Осмонкулов көчөсүндөгү жеке турак үйлөрдүн биринде 1,5 жашар бала ажатканага түшүп кеткен.
«Жерине келген куткаруучулар шайманы жок ажатканага түшүп баланы алып чыгышкан. Бала тирүү калган»,-деп айтылат маалыматта.
ӨКМдин Бишкек шаары боюнча башкармалыгы эки куткаруучуга ыраазычылык айтып, сыйлоо баракчасын тапшырды.