Бишкек. 15.09.2018. Govori.TV
Бишкек шаарындагы, Чүй-Алма-Ата көчөлөрүнүн кесилишинде Мадина базарында контейнерден өрт чыккан. Бул тууралу ӨКМ басма сөз кызматы билдирди.
Маалыматка ылайык, өрт болжол менен саат 22:50дө чыгып, бат эле жалындап кеткен. Окуя болгон жерге 6 өрт өчүрүүчү унаа, «Тез жардам» кызматы жана өрт өчүрүүгө тоскоолдук жараткан унааларды жылдырууга эвакуатор тартылган.
Учурда өрт өчүрүү иштери уланууда.