Бишкек шаарынын Октябрь районунун прокуратурасы тарабынан Бишкек шаарындагы балдарды реабилитациялоо жана үй-бүлөнү колдоо борборунда төрт айлык ымыркайдын өлүмү боюнча текшерүү жүргүзүлдү.
Башкы прокуратурадан билдиришкендей, 2024-жылдын 8-апрелинде С.Н. өзүнүн багып алган төрт айлык ымыркай кызына өздүгүн аныктоочу документин алуу үчүн Октябрь районунун социалдык өнүктүрүү башкармалыгына кайрылган учурда, башкармалыктын кызматкерлери ымыркай кыздын өздүгүн аныктоочу документи жок болгондугуна байланыштуу, “102” кайгуул кызматына кабар беришкен.
Октябрь районунун ички иштер башкармалыгынын кызматкерлери социалдык кызматкерлер менен бирге баланын бакубат абалына, жаш курагына, жаңы төрөлгөн баланы өзгөчө кароо зарылдыгы сыяктуу ачык факторлорго карабастан, ошондой эле бала төрт айдан бери белгилүү бир адамдын камкордугунда болгондугун эске алышпастан, С.Н. эркине каршы ымыркайды тартып алышып, жогоруда көрсөтүлгөн реабилитациялоо борборуна тапшырышкан.
Анын натыйжасында, 2024-жылдын 12-апрелинде реабилитациялоо борборунун медициналык кызматкерлери өздөрүнүн иш милдеттерине шалаакылык мамиле жасагандыгынын кесепетинен ымыркай көз жумган.
Бул факты боюнча, райондук прокуратура тарабынан Бишкек шаарынын Октябрь РИИБнын, райондук социалдык өнүктүрүү башкармалыгынын жана Бишкек шаарындагы балдарды реабилитациялоо жана колдоо борборунун жооптуу кызмат адамдарынын үстүнөн Кылмыш-жаза кодексинин 348-беренеси (шалаакылык) менен кылмыш иши козголуп, тиешелүү соттук-медициналык экспертиза дайындалды.
Учурда кылмыш иш боюнча тергөө амалдары УКМКнин Бишкек шаары боюнча башкармалыгынын тергөө бөлүмү тарабынан жүргүзүлүүдө.
Мэр Айбек Джунушалиев көйгөйлүү маселелер боюнча текшерүүгө чыкты. Бул тууралуу мэриянын басма сөз кызматы билдирет. …
Үстүбүздөгү жылдын январь айынан бери Маданият, маалымат, спорт жана жаштар саясаты министрлиги тарабынан 14 телерадиоканалга …
Министрлер кабинетинин төрагасы Акылбек Жапаров Бишкек шаарынын Жылуулук электр борборунун (ЖЭБ) 2023-2024-жылдардын күз-кыш мезгилдерине карата …
Бүгүн, 12-майда Абдыш-Ата заводунда Салык департаментинин инспекторлору текшерүү жүргүзүп жатат. Бул тууралуу Kaktus.media жазды. Маалыматта …
Бишкек шаарында автобус айдоочуларынын арасында рейд өткөрүлдү. Рейд учурунда айдоочулардын жүрүм-турумуна, жол эрежелерин сактоого, автобустардын …
“АЙЧҮРӨК” СООДА БОРБОРУ ТЕКШЕРИЛДИ Өзгөчө кырдаалдар министрлигинин алдындагы Өрт көзөмөлдөө боюнча кызматкерлери тарабынан борбор калаадагы …
