Манасчы Дөөлөт Сыдыков Кыргыз Республикасынын эгемендүүлүгүнө арнап, Москва шаарында «Манас» айтып бүттү. Ал «Манасты» 5 күн, 5 түн айтып, бул аркылуу ал Гиннестер китебинде жаңы рекордду жаратууну пландаган.
31-августта айтып баштаган манасчы кыска убакыттагы тыныгуулардан тышкары 111 саат «Манас» айтты.
Сыдыков 29-августта Москва шаарына учуп кеткен. Иш-чарага Кыргызстандын Орусиядагы элчилиги жана Кыргыз диаспора кеңеши колдоо көрсөттү.
Эске салсак, Сыдыков былтыр ноябрь айында «Ала-Тоо» аянтында ордунан жылбай 14 саат 27 мүнөт тынбай «Манас» айткан.