Бир нече кундөн бери коомчулукта талкуланып жаткан манасчылардын чыры тууралуу манасчысы Рысбай Исаков соцтармак баракчасы аркылуу билдирүү жарыялады.
«3 күндөн бери Асаналы экөөбүздүн ортобуздагы жеке маселе жалпы коомдук уу-дууга айланып кетти. Бул экөөбүздүн ортобуздагы пикир келишпестик болчу. Жалпы журттан дагы бир жолу жеке маселени жалпы дуу-дууга алдырып, Манас дүйнөсүнө сөз тийгизип алгандыбыз үчүн кечирим сурайбыз!» — деди манасчы.
Исаков манасчы Асаналы Калил уулуна жеке маселени жекече чечип алууну сунуштады.