Жалал-Абадда 6 жаштагы бала тир мылтыгы менен ойноп жатып байкабастан 5 жаштагы бөбөгүн атып алган. Маалыматты Жалал-Абад ОИИБдин басма сөз кызматы тастыктады.
Окуя 17-январда болгон. Милицияга облустук балдар хирургия бөлүмүнөн Жалал-Абад шаарынын четиндеги Тайгараев айыл аймагында жашаган Ф. А. аттуу 5 жашар кызды таякесинин баласы тир менен байкабай атып алганы тууралуу маалымат түшкөн.
«Ал Жалал-Абад облустук ооруканасынын балдар хирургиясы бөлүмүнө жаткырылган», — деп жазылат маалыматта.
Учурда териштирүү иштери уланып жатканы кошумчаланды.
