Бүгүн КР Министрлер Кабинетинин Төрагасы, КР Президентинин Администрациясынын Жетекчиси Акылбек Жапаров Кыргыз Республикасынын Баатыры Апас Жумагуловдун 90 жылдыгына арналган салтанаттуу иш-чараларга катышты. Бул тууралуу Министрлер Кабинети өзү кабарлады.
Акылбек Жапаров 1993-1998-жылдары иштеген мурдагы өкмөт мүчөлөрү менен болгон жолугушууда алардын өлкөнүн өнүгүшүнө кошкон салымы үчүн терең ыраазычылык билдирип, мамлекеттик саясатта муундардын уландысы маанилүү экенин белгиледи.
МинКаб башчысы Кыргызстандын акыркы үч жылдагы социалдык, экономикалык өнүгүүсү боюнча маалымат берип, ИДПнын 8,7%га, ал эми Кумтөрдү эсепке албаганда 10,6%га өскөнүн белгиледи. Ошол эле учурда 2023-жылы ИДПнын номиналдык көлөмү 1,2 триллион сомдон ашты, ал эми 2024-жылы 1,5 триллион сомду түзөрү болжолдонууда.
Акылбек Жапаров Кыргызстан ири алтын кенин кайрадан көзөмөлгө алып, экономиканын өнүгүшүнө түрткү болгонун баса белгиледи. Республикада 2000 чакырымдан ашык жол салынып, асфальт жана битум заводдору ачылууда. Куралдуу күчтөр заманбап курал-жарактар, анын ичинде абадан коргонуу ракеталары, учкучсуз учактар жана бронетехника менен жабдылган. Коңшу мамлекеттер менен мамиле чыңдалып, Тажикстан менен чек ара маселеси иш жүзүндө чечилди. Ипотекалык насыя берүү үчүн көп кабаттуу үйлөр курулуп жатат. Биринчи автомобиль заводу, 100дөн ашык өнөр жай объектилери ишке киргизилди.
Жолугушуу соңунда “Ынтымак Ордо” президенттик администрациясынын имаратында Кыргыз Республикасынын Баатыры Апас Жумагуловдун портретинин салтанаттуу ачылыш аземи болду.
Бул кабар жарыкка чыгаары менен, социалдык тармактарда ушул жолугушуу боюнча ар кандай пикирлер айтылды.
Кыргызстанда Жогорку Кеңештин депутаты Медер Алиев менен мурдагы премьер-министр Акылбек Жапаровдун ортосунда соцтартмак аркылуу кайым …
Министрлер кабинетинин мурдагы төрагасы Акылбек Жапаров “Крипта Азия” компаниясынын директору болду. Бул тууралуу OsOO.KG сайтынан …
Салык кызматы мамлекеттик кызматкерлердин 2023-жылга кирешеси тууралуу декларациясын жарыялай баштады. Анда көрсөтүлгөн маалыматка ылайык, былтыр декабрда …
Жыл жаңырар алдында КР Министрлер Кабинетинин Төрагасынын орун басары Эдил Байсалов “Сапат” билим берүү мекемелер …
Президент Садыр Жапаров 18-декабрда Жогорку Кеңеште сүйлөп жатып Министрлер кабинетинин мурдагы төрагасы Акылбек Жапаров салык …
Бүгүн, 17-декабрда өткөн маалымат жыйында УКМК төрагасы Камчыбек Ташиев Министрлер кабинетинин мурдагы төрагасы Акылбек Жапаровдун …
