Чүйдүн Молдовановка айылындагы №1 түрмөдө жаза мөөнөтүн өтөп жаткан 23 жаштагы адам өз жанын кыйды. Бул маалыматты Жаза аткаруу мамлекеттик кызматынын басма сөз катчысы ырастады.
Анын маалыматына караганда, окуя 1-декабрда болгон.
«Тергөөчү менен эксперт анын денесин текшерген. Алдын ала маалымат боюнча суицид болгон. Азыр тиешелүү документтер топтолуп, иликтөө иштери жүрүп жатат. Окуя Кылмыштардын жана жоруктардын бирдиктүү реестрине катталган», — деп айтылат маалыматта.
Ошондой эле документтер соттук-медициналык экспертизага жиберилген. Жыйынтыгы чыга элек.