Абактагы активист Мелис Аспеков ачкачылыгын токтоткону айтылды. Бул тууралуу акыйкатчы Атыр Абдрахматова “Фейсбуктагы” баракчасына жазды.
Маалыматка ылайык, Мелис Аспековдон Кыргыз Республикасынын Акыйкатчысына кайрылуу түшкөн. Анткени ал нааразылык иретинде үстүбүздөгү жылдын 21-июнунда анын иши каралып жаткан Бишкек шаардык сотунун отурумунда ачкачылык жарыялаганын билдирген. Бул кадамын соттук териштирүүлөр бир тараптуу каралып жаткандыгы менен түшүндүргөн. Буга байланыштуу КР Акыйкатчысы Атыр Абдрахматова жана Акыйкатчы Аппаратынын кызматкерлери Аспеков кармалып жаткан абакка барып, аны менен жолугуп келди.
«Сүйлөшүү учурунда ал жарыялаган кургак ачкачылыгын токтоткону белгилүү болду. Бирок ал ден соолугуна байланыштуу даттанган, анткени жүрөк операциясынан кийин ал тиешелүү реабилитациядан өткөн эмес. Кардиологдун М.Аспековго койгон диагнозу өкмөттүн 2018-жылдагы токтому менен бекитилген “Шектүүлөрдү, айыпталуучуларды камакка алууга тоскоол болгон оор оорулардын тизмесинде” каралган ооруга дал келиши мүмкүн. Ошондой эле, азыркы учурда эң маанилүүсү, акыркы жумада ал камалган камеранын кире беришине «уюлдук байланышты баскан» чоң аппарат орнотулганын, антенналары атайын анын камерасына багытталганын айткан. Бул даттануу боюнча КР Акыйкатчысынын Аппараты мамлекеттик органдарга тиешелүү каттарды тез арада жөнөткөн. Акыйкатчы институту анын сот процесстерине үзгүлтүксүз мониторинг жүргүзүп турат»,-деп айтылат маалыматта.
Мелис Аспеков өзүнүн күнөөсүз экендигин айтып, элдин оюн адаштырууга аракет кылууда. Бул тууралуу Улуттук коопсуздук …
Камактан чыккан активист Мелис Аспеков Фейсбуктагы баракчасына билдирүү жасады. «Эптеп бошодук, ден соолукка байланыштуу авабыз …
НИЯЗАЛИЕВА ДОБУШ САТЫП АЛГАНБЫ? Борбордук шайлоо комиссиясынан билдиришкендей, 29-майда №26 Ленин бир мандаттуу шайлоо округу …
Алты жылга соттолгон активист Мелис Аспеков абактан бошотулганы белгилүү болду. Бул тууралуу айрым ЖМКлар жазды. …
ЧӨГҮП БАРА ЖАТКАН КЫЗДАР КУТКАРЫЛДЫЫсык-Көлдө сууга чөгүп бараткан эки кыз куткарылды. Бул тууралуу Өзгөчө кырдаалдар …
Бишкек шаардык соту жарандык активист Мелис Аспековго Биринчи Май райондук соту чыгарган өкүмдү өзгөрттү. Бул …
