Абылгазиев Бельяниновдун кыргыз өкмөтүнө карата айткан сынына жооп берди

Бишкек.19.09.2018.Govori.TV.

Премьер-министр Мухаммедкалый Абылгазиев Евразия өнүктүрүү банкынын башчысы Андрей Бельяниновдун кыргыз өкмөтүнө карата айткан сынына жооп берди.

Бүгүн парламентте «Республика Ата-Журттун» депутаты Руслан Казакбаев Бельянинов «Кыргызстандын өкмөтүндө сүйлөшкөнгө киши жок, башаламандык бар» деп айтканын эскертип, өкмөт башчынын жообун сурады.

Ал эми  Абылгазиев депутаттын бул суроосуна төмөндөгүдөй жооп берди:

— Ал киши расмий болсо, «келели, жолугалы» десе сүйлөшөбүз да. Анан ал кишинин деле өзүнүн тарыхын билебиз эмне болгонун. Премьер-министрдин, өкмөттүн деңгээлинде сүйлөшө турган өзүнүн жүзүн көрсөтсүн. Биз таза кишилер менен иштейбиз. Таза эмес кишилер болсо өз комментарийин бере беришсин, жактай берсин, жолуга берсин, — деп жооп берди.

Эске салсак, 6-сентябрда Алматыда Евразиялык маалымат каражаттарынын конгрессинде Бельянинов банктын Кыргызстандагы ишмердиги тууралуу суроого жооп берип жатып, «сунушталган долбоор болбогондуктан насыялоо да болгон жок» деп жооп кайтарган. Ошондой эле ал Кыргызстанда ишкердиктин көзү менен караганда эч ким менен сүйлөшүүгө мүмкүн эместигин, аткаминерлер тез алмашып тургандыктан, аларга «ликбез» (сабатын ачып) өтүүгө аргасыз болуп жатканын айткан.

Кыргызстандын Каржы министрлиги инвестицияга кепилдик бере албаганын билдирген Бельянинов жагдайды белгилүү жөөт анекдоту менен салыштырып, жардам сураган адамга Кудайдын «жок дегенде лоерея билетин сатып алып койчу» дегенин мисал келтирген.

Белгилей кетсек, Жогорку Кеңештин депутаты Рыскелди Момбеков  дагы  кыргыз өкмөтүнүн чет элдик ишмер Андрей Бельяниновдун айткандарына татыктуу жооп бербегени үчүн парламенттин жалпы жыйынында катуу сынга алган.

Бельянинов кыргыз-орус өкмөт аралык комиссиясынын теңтөрагасы катары белгилүү болчу.

Подписаться:

Тема боюнча

Элеттеги аялдарды колдоо. Govori.TVда 3 күндүк окутуу тренинг башталды

9-10-11-декабрь күндөрү “GOVORI.TV” мультимедиалык маалыматтык агенттиги медиа айдыңындагы “Кыйын” телевизиондук ток-шоусунун алкагында сегизинчи окутуу иш-чарасын …

Кененирээк

Govori.TVда чындыктан, тазалыктан кыйшайбаган эрк бар!

Govori.TV медиа рынокто 5 жыл! Интернет телеканал бейтараптуулукту карманганы үчүн бааланат. 5 жыл аралыгында Govori.TV …

Кененирээк

Коррупцияга каршы ишкердик кеңешинин жыйыны өтүүдө

Бишкекте “Ала-Арча” мамлекеттик резиденциясында министрлер кабинетинин төрагасы Акылбек Жапаровдун катышуусунда КР президентине караштуу Коррупцияга каршы …

Кененирээк

Govori.TV «Кыйын» долбоору аркылуу жүздөгөн айымдарга багыт берди

Govori.TV “Кыйын” телевизиондук ток-шоусунун алкагында тренинг өткөрдү. Окутуу семинарына Кыргызстандын 7 дубанынан келген 17 айым …

Кененирээк

Govori.TV үч күндүк семинар-тренинг өткөрүп жатат

9-10-11-декабрь күндөрү “GOVORI.TV” мультимедиялык маалыматтык агенттиги медиа айдыңындагы “Кыйын” телевизиондук ток-шоусунун алкагында тренинг өткөрүп жатат. …

Кененирээк

GOVORI.TVда айымдардын лидерлик потенциалын жогорулатуу тренинги башталды

7-8-9-октябрь күндөрү “GOVORI.TV” мультимедиялык маалыматтык агенттиги медиа айдыңындагы “Кыйын” телевизиондук ток-шоусунун алкагында тренинг өткөрүп жатат. …

Кененирээк