Адвокат Назгүл Сүйүнбаева жактоочусу Досонов No1 СИЗОдо катуу сабалганын жана ага керектүү медициналык жардам көрсөтүлбөгөнүн билдирди.
«Aл колун кыймылдата албай, аябай мыкаачылык менен ур-токмокко алынган, анын денесинин арткы бөлүгүн далыларынан тизесине чейин каптап, уруп-согуп, шишип кеткен, ага медициналык жардам көрсөтүлгөн эмес. Бул маалыматты өз көзү менен көргөн адамдан алдым. Мындай абалда ал жалгыз эмес деп эсептейм жана Т.Султанбековдун сөзүнө ишенбөөгө негиз жок», — деп жазган адвокат.
Эске сала кетсек, Темирлан Султанбеков No1 СИЗОдон кат жазып, анда мекеменин кызматкерлери 100дөн ашык камактагыларды сабаганын билдирген.
Буга чейин 20-декабрда камераларда тыюу салынган буюмдарды аныктоо максатында тинтүү жүргүзүлгөнү маалымдалган. Ошол эле учурда адвокаттарга кардарларына барууга тыюу салынган. СИЗО-1ге КР Акыйкатчы институтунун жана Кыйноолорду алдын алуу боюнча улуттук борбордун кызматкерлери барышкан. Алар жаза аткаруу кызматынын кызматкерлерине карата арыз жазышкан. КР Жаза аткаруу кызматы бул маалыматты четке кагып, абактагыларды эч ким сабабаганын жана жактоочуларга жаза өтөө мекемесине барууга тыюу салынбаганын билдирди.
Буга чейин социалдык тармактарда Бишкек шаарынын Мурас-Ордо жаңы конушунда «Башка райондо эмне жүрөсүңөр» деген аталыштагы …
Кечээ, 16-июлда Бишкекте Улуттук госпиталдын тез жардам бөлүмүнүн дарыгерине кол салуу болгону айтылып, окуя талкууга …
Социалдык тармактарда сабалып, башы канжалап, жүзү көгала болгон аялдын видеосу тараган. Интернет колдонуучулары бул окуя …
Москвадагы мончодо кыргызстандык мигранттар менен орун алган окуя боюнча Россиянын прокуратура жана Миграция кызматы текшерүүлөрдү …
Башкы прокуратура Улуттук Гвардиянын 10126 аскер бөлүгүндө кызмат өтөп жаткан Эрик Шаршенбаевдин сабалганы боюнча тергөөгө …
Бишкектеги Улуттук госпиталдын медайымы бейтаптын туугандары тарабынан сабалганын Саламаттык сактоо министрлиги маалымдады. Маалыматка ылайык, Травматология …
