Бүгүн, 15-апрелде Чүй облусуна караштуу Аламүдүн районунда насыя төлөөдөн кыйналган 15ке чукул аял Пригородный айыл өкмөтүнүн кеңсесине кирип, өздөрүнө өрт кое тургандыктарын айтып жатышат.
Алардын бири буга чейин насыя төлөөгө жардам сурап бир канча күн Бишкекте пикетке чыгышканын айтып, маселе чечилбегендиктен ушул кадамга аргасыз барышканын айтты.
“Насыя акчанын үстөгүн төлөй албай калдык. Тамак-аш кымбаттап, пандемия маалында иш токтоп калды. Насыянын үстөгүн төлөй албай көбөйүп кетти. Өкмөт бизге жардам берсин, болбосо өзүбүзгө өрт коебуз”, — деди имараттын ичиндеги аял.
Нааразы болгон аялдарга Улуттук банктын өкүлү Мирлан Майтпасов келди. Ал аялдардын талабы боюнча юридикалык жактан болсо дагы жардам көрсөтүшө тургандыктарын билдирди.
«Биз Улуттук банк бул жерге чогулуп жаткан элдин көйгөйүн укканбыз. Бул эжелерге түшүндүрүү иштерин жүргүзгөнбүз. Жеке компаниялардан алгандар да көп болгондуктан, биз алар менен сүйлөшүп, атайын аянтча түзүп берүү үчүн чараларды көрүүдөбүз. Жеке банктар болгону үчүн ар бири менен жеке сүйлөшүүгө туура келет, юридикалык жактан болсо дагы жардам көрсөтөлү деп аракет кылып жатабыз», — деп билдирди Матмусаев.
Ушул тапта имарараттын сыртын милиция кызматкерлери курчап, коомдук коопсуздукка көз салып турат. Ошондой эле «Тез жардам» кызматы менен өрт өчүрүүчүлөр дагы келген.
Ал эми жергиликтүү бийлик өкүлдөрү аялдарга түшүндүрүү иштерин жүргүзүп жатышканы белгилүү болду.
Белгилей кетсек, аталган аялдардын имараттын ичине киргенине 7 сааттан ашты. Сүйлөшүүлөрдөн майнап чыга элек.
Кыргызстанда 9 миң 504 ишкерге 6 млрд 455 млн 227 миң 818 сомго пайызсыз насыя …
Дүйнөлүк банк Бишкек шаарындагы абанын булганышын жөнгө салууга 50 млн доллар насыя берет. Бүгүн, 12-декабрда …
2023-жылдын 14-июлуна карата «Айыл чарбасын каржылоо -11» долбоору боюнча дыйкан-фермерлерге 3 млрд 189 млн 408 …
Кийинки революция Улуттук банктын алдында болот. Мындай пикирин бүгүн, 4-майда Жогорку Кеңештин жалпы жыйынында билдирди. …
Бүгүн, 13-апрелдеги Жогорку Кеңештин жыйынында 2023-жылга карата дыйкандарга жеӊилдетилген насыяларды берүү жана республиканын аймагында акыркы …
“Айыл чарбасын каржылоо — 11” долбоору боюнча 190 млн 675 миң сомго 407 насыя берилди. …
