Өзгөндө «айылдашын бычактап камакка алынган жарандын жубайымын» деген аял үн катты. Бул тууралуу видео социалдык тармактарга жарыяланды.
Видеодогу аял бүгүнкү күнгө чейин күйөөсүнөн зомбулук көрүп келгенин айтып берген.
«Куршаб айылындагы окуя боюнча туура маалымат берүүнү чечтим. Видеону көрүп, комментарийлерди окуп чыдап тура алган жокмун. Мен күнөөсүз адамды бычактаган К. Ш.нын аялы болом. Күйөөм экөөбүздүн жашаганыбызга 20 жыл болду. 20 жылдан бери кайненем менен чогуу жашайм. Эң кичүү келинмин. Үйгө кайын журттан меймандар көп келет. Алардын сөздөрүнөн үйдө чыр көп чыгат. Күйөөм анын айынан мени көп урчу. 5 балам бар. Эки уул, үч кыз. Күйөөмдүн кордугуна чыдап, 20 жылдан бери жашап келе жатам. Балдарым үчүн жашап келгем»,-деген ал.
Ал учурда Орусияда экенин айтып, окуя боюнча төмөндөгүлөрдү билдирген.
«Анын эч кандай күнөөсү жок, үйдө уруш чыкканда жубайы экөө келип, бизди ажыратып турушчу. Бизге тууган болот. Күйөөм менен классташ. Бир мектепте окуганбыз. Кайын журттун сөзүнөн ушул окуя болду деп ойлойм. Аяшым экөөбүздүн ортобузда эч нерсе болгон эмес. Мен Кудай алдында акмын дедим”,- деди ал.
Эске салсак, окуя 13-ноябрда болгон. Анда Куршаб айылынын 44 жаштагы К.Ш. аттуу тургуну 13-ноябрь күнү Э.Т. аттуу айылдашын үйүнө чакырып, бычак менен денесине зыян келтирип, электр мамычасына жип менен байлап койгон.
Айрым маалыматтарга караганда, шектүү айылдашынын жыныстык мүчөсүн кесип салган.
Окуянын видеосу соцтармакка да тараган. Анда бир кишини экинчи эркек жылаңачтап, түркүккө байлап койгон.
Аталган факт боюнча Кылмыш-жаза кодексинин 130-беренесинин 2-бөлүгү («Ден соолукка оор залал келтирүү») боюнча кылмыш иши козголуп, шектүү К.Ш. камакка алынган.
Свердлов районунун ички иштер башкармалыгынын милиция кызматкерлери унаа уурдоого шектүү жаранды кармашты. Бул тууралуу Бишкек …
33 жаштагы Рахима Айкымбаеванын өлүмүнө шектүү, күйөөсү Б.К. аттуу жаран 4-июнга чейин камалды. Бул тууралуу …
Бишкектеги коомдук унааларда чөнтөк уурулугу менен алектенип жүргөн “Тырыш” аттуу каймана аты бар жаран кармалды. …
«Женго» каймана аты бар Кадыр Досоновдун уюшкан кылмыштуу тобунун активдүү мүчөсү кармалды. Бул тууралуу УКМКнын …
Менчик медициналык борборунда 3 жашар кыздын өлүмүнөн кийин кесиптик милдеттерди талаптагыдай аткарбагандыгы үчүн шектүү кызматкер кармалды. …
КР Жогорку сотуна караштуу Сот департаментинин экономикалык иштер боюнча сот аткаруучулар кызматы бөлүмүнүн кызматкери кармалды. …
