Бишкек. 05.09.2018. Govori.TV
Кырчын жайлоосунда Чүй облусунун боз үйүндө илинген ак илбирстин териси кайдан алынганы териштирилет. Бул тууралуу Айлана чөйрөнү коргоо жана токой чарба агенттиги кабарлады.
Мекеменин маалыматына караганда, Мамлекеттик экотехинспекцияга маалымат берилди, себеби бул мыйзам бузуу болуп эсептелет. Ак илбирс Кызыл китепке кирген жаныбарлар түрүнүн бири. Ал өзгөчө коргоого алынган.