Кыргыз улуттук илимдер академиясынын академиги, философия илимдеринин доктору Осмон Тогусаков дүйнө салды. Бул тууралуу Улуттук илимдер академиясы кабарлады.
Осмон Тогусаков 1953-жылы Чүй облусунун Ысык-Ата районуна караштуу Кызыл-Арык айылында туулган. 1979-жылы Кыргыз мамлекеттик университетинин география факультетин бүтүргөн.
1993-жылы философия илимдеринин доктору, 1994-жылы эл аралык коомдук Айтматов академиясынын мүчөсү болгон. 1992-жылдан 2017-жылга чейин Улуттук илимдер академиясынын Философия институтунун директору болуп иштеген. 2017-жылдан 2022-жылга чейин Улуттук илимдер академиясынын вице-президенти кызматын аркалаган.
Эмгектери табият таануу жана техниканын философиялык маселелерине арналган. Илимий теориялык изденүүлөрү алдын ала андап билүүнүн, прогноздоонун диалектикасын, анын илимдеги жана практикадагы методологиялык маанисин тастыктоого багытталган.
Окумуштууга 2003-жылы Кыргыз Республикасынын илимине эмгек синирген ишмери наамы ыйгарылган. Ошондой эле ал 2011-жылы «Данк» медалы, 2021-жылы III даражадагы «Манас» ордени менен сыйланган.
2020-2021-жылдары Конституциялык кеңештин төрагасынын орун басары болуп, соңку жылдары КР президентинин алдындагы Аттестациялык комиссиясынын эксперттик кеңешинин төрагасы болуп келген.
Кыргыз Республикасынын эмгек сиңирген артисти Салиева Динара Азизовна 74 жаш курагында дүйнө салды. Маданият, маалымат, …
Кыргыз Республикасынын эл акыны Гүлсайра Момунова оорудан улам каза болду. Маалыматты жакындары тастыктады. Маалыматка караганда, …
«Ачык сөз» гезитинин негиздөөчүсү жана башкы редактору Жора Сулайманов дүйнөдөн кайтты. Бул тууралуу журналист Назгүл …
Акын Зайырбек Ажыматов дүйнө салды. Маалыматты жакындары тастыктаганын Sputnik Кыргызстан агенттиги жазды. Зайырбек Ажыматов 1976-жылы …
Кыргыз Республикасынын Эл мугалими, Кыргыз Республикасынын илим жана техника боюнча Мамлекеттик сыйлыгынын ээси, профессор Бекбоев …
