Ош облустук ички иштер башкармалыгынын кызматкерлери акча опузалоого шектелип кармалды. Бул тууралуу УКМКнын басма сөз кызматы билдирди.
Маалыматта айтылгандай, ИИМдин Ош шаары жана Ош облусу боюнча ИИБү менен биргеликте 2025-жылдын 22-ноябрында козголгон кылмыш ишинин алкагында ички иштер бөлүмүнүн М.Ж.А. жана С.А.Ш. аттуу кызматкерлерин 300 миң сом өлчөмүндө пара алып жаткан жеринен кармалды.
Тактап айтканда, ыкчам-иликтөө иш-чараларынын жүрүшүндө Араван РИИБнын Коомдук коопсуздук кызматынын уруксат берүү системасынын инспектору, милициянын подполковниги М.Ж.А. Ноокат райондук ички иштер бөлүмүнүн тергөө кызматынын тергөөчүсү, милициянын майору С.А.Ш. менен биргеликте, жүргүзүлүп жаткан тергөөгө чейинки текшерүү иштери боюнча оң чечим чыгарууга жардам берүү үчүн жарандан 300 миң сом талап кылгандыгы аныкталган.
Кармалган учурда шектүүлөрдүн бири каршылык көрсөтүп, акчаны жок кылууга аракет кылып, анын бир бөлүгүн дааратканага ыргытып жиберген.
Учурда иштин бардык жагдайларын документтештирүү жана бул кылмышка тиешеси болушу мүмкүн болгон башка адамдарды аныктоо боюнча тергөө жана ыкчам иш-чаралар жүрүп жатат.
Кармалгандар КР УКМКнын убактылуу кармоочу жайына киргизилди.
22-июнда, күндүз Бишкек шаарындагы мамлекеттик объекттерге бомба коюлганы тууралуу 15тей билдирүү келип түшкөн. Бишкек милициясы …
17-июнда Бишкектеги микроавтобуста жаран көйнөкчөн кызды телефонго тартууга аркет кылган. Интернетте тараган видеодо маршруткалардын биринде …
Президент Садыр Жапаров ички иштер органдарынын бир катар кызматкерлерин мамлекеттик сыйлыктар менен сыйлоо жөнүндө жарлыкка …
Баткен районунда каза болгон жубайлардын өлүмү боюнча кылмыш иши козголду. Бул тууралуу облустук милициядан билдиришти. …
Бишкекте жашы жете элек өспүрүмгө карата денеге залал келтирүү фактысы аныкталды. Бул тууралуу Ленин райондук …
