Бишкектин Биринчи май райондук соту Кемпир-Абад иши боюнча кармалган активист Али Шабдандын бөгөт чарасын карап, 20-февралга чейин камакта калтыруу чечимин чыгарды.
Али Шабдан күнөөсү жок экенин айтып, үй — бүлөдө жалгыз багуучу экенин белгиледи.
Эске салсак, 23-24-октябрда жыйырмадан ашуун оппозициялык маанайдагы саясатчылар, укук коргоочулар, активисттер жана блогерлер Кемпир-Абад ишине байланыштуу жапырт кармалып, дээрлик бардыгы эки айга камалган.
Ички иштер министрлиги (ИИМ) аларга Кылмыш-жаза кодексинин 36-278-беренеси (“Жапырт башаламандык уюштурууга даярдануу”) менен 20-октябрда козголгон кылмыш иштин алкагында тергөө жүргүзүлүп жатканын маалымдаган.