Бишкек шаарында 29-ноябрда жүздөгөн активисттер Конституциянын реформалоо мыйзам долбооруна каршылык билдирген экинчи нааразылык акциясына чыгышты.
Темир жол бекетинин жанына чогулгандар Баш мыйзамды өзгөртүүгө каршы ураан-чакырыктарды жасап жатышат. «Референдумга жол жок!» деп аталган акциянын катышуучулары Конституцияны өзгөртүүгө каршы түрдүү транспаранттарды кармап жүрүшөт.
Ушул эле активисттер өткөн жекшемби, 22-ноябрда да Бишкектеги темир жол бекетинин алдында чогулуп, Эркиндик бульвары аркылуу борбордук аянтка чейин жүрүш менен барышкан.
