“Ала-Арча” тарыхый-мемориалдык көрүстөнүндө Кыргыз Республикасынын Баатыры, мамлекеттик сыйлыктардын лауреаты, СССРдин жана Кыргыз ССРинин эл артисти, драматург, кинематогроф Болотбек Шамшиевдин эстелиги ачылды. Бул тууралуу министрлер кабинетинин басма сөз кызматынан билдиришти.
Иш-чарага министрлер кабинетинин төрагасы Акылбек Жапаров катышты.
“Болот Шамшиев “Кыргыз кереметинин” режиссёрлорунун бири катары дүйнөлүк кинематографиянын тарыхына кирген залкар инсан. Анын эмгектери СССРде гана эмес, чет өлкөлөрдө дагы белгилүү болгон. Болот Шамшиев кыргыз киносу дүйнөлүк атактуу режиссёрлордун чыгармалары менен тең тайлаша алаарын бир нече жолу далилдеди. Биз бул улуу кинорежиссердун инсандын руханий жактан өсүп-өнүгүшүнө чоң таасирин тийгизген тасмаларында чоңойдук. Анын элеси замандаштарынын жүрөгүндө жашайт”, – деп белгиледи Акылбек Жапаров өз сөзүндө.
Ал ошондой эле 2022-жылы президенттин Жарлыгы менен Болотбек Шамшиевге “Ак шумкар” өзгөчө белгиси менен эң жогорку өзгөчөлүк – “Кыргыз Республикасынын Баатыры” наамы ыйгарылганын кошумчалады.
“Болотбек Шамшиевдин ысымы кыргыз маданиятында жана кино искусствосунда түбөлүк алтын тамгалар менен жазылат”, – деп жыйынтыктады Акылбек Жапаров
Президент Садыр Жапаров жана Азербайжан Республикасынын Президенти Ильхам Алиев 24-апрелде, Баку шаарында улуу кыргыз жазуучусу …
Министрлер Кабинетинин Төрагасы – Кыргыз Республикасынын Президентинин администрациясынын жетекчиси Акылбек Жапаровдун жетекчилиги алдында, Министрлер Кабинетинин …
“Ала-Арча” тарыхый-мемориалдык көрүстөнүндө Кыргыз Эл акыны, ll жана lll даражадагы Манас орденинин ээси, залкар акын …
Бүгүн, 5-июнда Жогорку Кеңештин төрагасы Нурланбек Шакиев белгилүү кинорежиссер, жазуучу, мамлекеттик жана коомдук ишмер Дооронбек …
Ош шаарындагы Алымбек датка жана Каныкейдин эстеликтерин толук оңдоп-түзөөдөн өткөрүү жумуштары башталды. Бул тууралуу мэриянын …
Талас шаарынын борборуна Манастын эстелиги орнотулду. Бүгүн, 21-мартта Нооруз майрамына карата Айкөл Манастын эстелигинин расмий …
