Бишкек шаарындагы Ала-Арча суу сактагычынан болжол менен 30-35 жаштагы аял кишинин жансыз денеси табылды. Бул тууралуу Өзгөчө кырдаалдар министрлигинин басма сөз кызматынан билдиришти.
Маалыматка ылайык, 15-сентябрь күнү саат 15:35 чамасында Аламүдүн районундагы Ала-Арча суу сактагычына аял киши чөгүп кеткени тууралуу билдирүү түшкөн.
Жерине Бишкек шаардык куткаруу кызматынын куткаруучулары тартылып, маркумдун жансыз денесин суудан чыгарып, ИИМдин кызматкерлерине өткөрүп беришкен.