Ала-Тоо аянтында бүгүн, 26-мартта саат 12:00дөр чамасында объектини оңдоп-түзөө иштерин жүргүзүп жаткан курулушчулар мушташа кетишкен. Бул тууралуу окурмандар Kaktus.media сайтына видео жиберишкен.
Күбөлөрдүн айтымында, мушташ курулушчулардын бирин тепкичтен түртүп ийишкенден кийин башталган.
Эске салсак, учурда борбордук “Ала-Тоо” аянтындагы Манастын айкели турган жердин асты демонтаждалып, толугу менен оңдолуп жатат. Эстелик турган жердин асты чирип, урайын деп калганын президенттин басма сөз катчысы Аскат Алагөзов билдирген болчу.