Бишкек. 29.01.2019. Govori.TV
Алдамчы «афганчылардын» айынан 8 жылда мамлекетке келген зыян 129 миллион 156 миң сомду түзгөн. Бул маалыматтар ведомстволор аралык комиссиянын текшерүүсү учурунда аныкталган.
Жасалма ардагерлердин жалпы саны учурда 73 болсо, 2017-жылы 159, 2018-жылы 229ду түзгөн.
Алдамчы афганчылар негизинен Башкы штабда, УКМКда, Чек ара кызматында, ИИМде, ӨКМде, ЖАМКда жана мамлекеттик салык кызматында катталган.
Текшерүү учурунда ИИМде 9 адам афган коогалаңынын катышуучусу эмес болуп чыккан, 21 адамдын документи жок . ӨКМде 29 адам афганчы деп катталганы менен 9 нун документи жок. Чек ара кызматында 20 адам афганчы деп катталып, бирок 6нун документи жок. Мамлекеттик салык кызматында 14 адам афганчы, 4 нүн документи жок . ЖАМКдагы 22 афганчы болсо 3нүн документи жок, УКМКда 22 афганчы катталса, 11нүн документи жок.
