Улуттук банктын расмий өкүлү Аида Карабаева акыркы күндөрү алтын алууну каалаган жарандар арбыганын айтат.
Анын айтымында мындан улам кассанын иш убактысы узарган.
«Бир жагынан алганда баалары анча кымбат эмес, 1 граммдык, 2 граммдык алтын куймаларын алса болот. Чынында акыркы күндөрү өлчөнгөн куймаларга болгон суроо-талап өстү, кезектер да жаралды. Мындан улам биз кассанын иштөө мөөнөтүн узартуу чечимин кабыл алдык. Буга чейин касса саат 9:00дөн 15:00гө чейин иштесе, бул убакыт узарып эми касса 16:00 чейин иштеп жатат», — деди Карабаева.
Президент Садыр Жапаров алтын сатып алууга чакырыгынан кийин Улуттук банкта алтын сатып алууну каалаган жарандардын кезеги көбөйгөнүн билдирип, кечээ, 1-мартта «Фейсбуктагы» баракчасына жазган.
Өлкө башчысынын айтымында, Кыргызстанда акчасы барлар, чет өлкөдөгү банктарда, үйүндө акча сактагандар көп.
Президент Садыр Жапаров 28-февралда дүйнөдөгү кырдаалга байланыштуу кыргыз экономикасындагы жагдай боюнча кайрылуу жасаган. Анда чет элдик валюталарды сатып алып жаткан кыргызстандыктарды Улуттук банктан алтын сатып алууга чакырган.
Украинадагы кырдаалга байланыштуу доллардын наркы көтөрүлүп, сомдун куну арзандап жатат.
Кыргызстандын улуттук банкы валюта рыногунан 17,7 млн доллар сатып алды. Бул Улуттук банкттын доллар сатып …
Кыргызстанда 15-февралдан тарта 2023-жылдагы үлгү боюнча улуттук валютанын 20, 50 жана 100 сом номиналындагы жаңы …
Азыркы учурда Кыргызстанда валюта рыногундагы абал туруктуу. Бул тууралуу «Кабар» агенттигинде өткөн маалымат жыйынында Улуттук …
Улуттук банк мыйзамсыз акча алмаштырган жаранга айып салды. Финансылык жөнгө салуучу органдан билдиришкендей, Улуттук банктын …
Кыргыз Республикасынын Улуттук банкы валюта рыногундагы кырдаал боюнча билдирүү таратты. Маалыматта айтылгандай, учурда ички валюта …
Кыргызстандын Улуттук банкы Бишкектеги бир катар акча алмаштыруучу жайлардын лицензиясын убактылуу токтотту. Улуттук банктан билдиришкендей, …
