Жети-Өгүз районунда 3 жаштагы бала ур-токмоктон каза болду. Маалыматты Ысык-Көл облустук милициянын басма сөз кызматы тастыктады.
Облустук ички иштер башкармалыгын басма сөз кызматы кабарлагандай, окуя 15-майда болгон. Бөбөк ооруканага эстен танган абалда жеткирилип, чарчап калган. Текшерүү маалында денесинде кан уюган жерлер аныкталган. Баланы апасы кудачасына калтырып, Орусияга иштегени кеткен.
Аталган факты Жети-Өгүз РИИБдин КЖБРне катталып, Жоруктар жөнүндө кодексинин 65 (Уруп-сабоо) беренеси менен сотко чейинки өндүрүш иши башталып, соттук-медициналык экспертизасы дайындалган.
Окуянын жагдайларын аныктоо максатында тергөө тобу окуя болгон жерге барышкан. Күбөлөрдү сурамжылоодо, баланы ооруканага алып келген 33жаштагы М.Г. аттуу аялга кудачасы 3 жашар баласын таштап, өзү Россия Федерациясына иштегени кеткен. Баланы карап жүргөн аялдын айтымында, 15-май күнү болжол менен саат 12:00 чамаларында наристенин талмасы кармап, тепкичтен кулап түшкөн. Ал эми денесиндеги көк-ала тактар бир нече жолу чымчып койгондуктан пайда болгонун көрсөткөн.
Соттук-медициналык экспертизанын алдын ала жыйынтыгы боюнча бала жабык мээ жаракатын, башынан туюк жаракат алгандыгы белгилүү болгон. Аталган жыйынтык боюнча сотко чейинки өндүрүш иши Кыргыз Республикасынын Жазык кодексинин 138 беренесинин 3 бөлүгүнүн 1 пункту (Ден соолукка оор зыян келтирүүдөн улам этиятсыздыктан киши өлтүрүү) боюнча квалификациясы өзгөртүлгөн.
Аталган факты боюнча шектүү катары 33 жаштагы М.Г. райондук милиция бөлүмүнүн убактылуу кармоочу жайына киргизилген. Соттун чечими менен шектүү адамга 2 айга камака алынган. Сотко чейинки өндүрүш ишинин алкагында тергөө амалдары уланууда жана тийиштүү экспертизалар дайындалды.
Жети-Өгүз районунун тургунун үйүнөн 6 килограммдан ашык баңгизат табылды. Бул тууралуу Ички иштер министрлигинин маалымат …
13 жылдан бери күйөөсүнөн кордук көрүп келе жаткандыгын айткан 32 жаштагы келин жардам сурап кайрылуу …
Ысык-Көлдүн Жети-Өгүз районунда жер силкинди. Сейсмология институтунун маалыматына ылайык, саат 14:00дө өлкө аймагында, очогунда күчү …
Жети-Өгүз районундагы Кызыл-Суу айылында санитардык эрежени сактабаган мал союучу цех аныкталды. Бул тууралуу Ысык-Көл облустук …
Жети-Өгүз районунун дайынсыз болгон 2 тургуну аман-эсен табылды. Бул тууралуу ӨКМ билдирди. Маалыматка ылайык, 7-апрель …
Ысык-Көл облусунун ички иштер башкармалыгынын басма сөз кызматы Жети-Өгүз районунда адам өмүрүн алган жол кырсыгынын …
