29-январда, болжол менен таңкы саат 04:00 чамасында, Ысык-Көл облусунун Жети-Өгүз районунун Ак-Шыйрак аймагында жайгашкан жеке турак жайлардын биринин короосуна илбирс (кар барсы) кирген учур катталган. Бул тууралуу Жаратылыш ресурстары, экология жана техникалык көзөмөл министрлигинин басма сөз кызматы маалымдады.
Маалыматта айтылгандай, аталган окуя боюнча Instagram социалдык тармагында тараган видео материалдын негизинде маалымат алынган. Видеону үй ээси өзү тартып, коомчулукка жарыялаган.
Үй ээсинин билдирүүсүнө ылайык, жырткыч короого кирип, үй жаныбарына кол салган. Иттин үргөн үнүнөн улам кожоюн сыртка чыккан учурда, илбирс бир эчкини басып алган. Бул короого илбирс мурда да кирип кеткен учурлар болгондугу айтылууда.
Алдын ала божомолдорго ылайык, илбирс карыган болушу мүмкүн, анткени эчкини толук тиштеп, олжону алып кетүүгө мүмкүнчүлүгү болбой калган. Бул жырткычтын табигый аңчылык жөндөмүнүн төмөндөшү менен байланыштуу болушу ыктымал.
Үй ээсинин айтымында, илбирс айыл аймагына маал-маалы менен келип турат, кээде короолордун жанынан жырткычтын бут издери да байкалат. Бул жолу илбирс Тескей жайлоосу тарапка кеткен.
Министрлик жарандарды жапайы жаныбарлар байкалган учурда сак болууга, коопсуздук эрежелерин карманууга жана мындай фактылар боюнча ыкчам түрдө тиешелүү органдарга кабар берүүгө чакырат.
Кеминдин Боролдой айылында кармалган ак илбирс Чоң-Кемин мамлекеттик жаратылыш паркында табигый жашоо чөйрөсүнө ийгиликтүү кое …
Бүгүн эл аралык коомчулук Кыргызстандын демилгеси менен Ак илбирстин эл аралык күнүн алгачкы жолу расмий …
“Ак илбирстин статусун Кыргызстандын улуттук символу деп таануу жөнүндө” токтом долбоору коомдук талкууга чыгарылды. Токтомдун …
Жети-Өгүз районуда мурда мыйзамсыз менчиктештирилген 17 га жер мамлекетке кайтылды. Бул тууралуу УКМКдан билдиришти. Маалыматка …
Жети-Өгүз районунун Чым-Там жайлоосунда 332 баш кой-эчки белгисиз жапайы жаныбардын кол салуусунан өлгөн. Суу ресурстары, …
Жети-Өгүз районундагы 145га жер тилкени мамлекетке кайтарылды. Бул тууралуу Улуттук коопсуздук мамлекеттик комитетинен билдиришти. УКМК …
