Армениянын премьер-министри Никол Пашинян жана үй-бүлөсүнүн төрт мүчөсү коронавирус инфекциясын жугузуп алды. Бул тууралуу Пашинян 1-июнда фейсбуктагы түз эфир маалында билдирип, «тилекке каршы биздин анализдер оң чыкты» деп жазган.
Маалыматка ылайык, Пашинян аскерлер менен жолугушуп келгенден кийин тест тапшырганын, анын жыйынтыгы 31-майда белгилүү болгон. Мындан тышкары, ал азыр өзүндө жана үй-бүлө мүчөлөрүндө илдеттин симптомдору жок экенин белгиледи.
Арменияда COVID-19га кабылгандар 9 400 кишиден ашты. 139 бейтап каза болду.
