Бишкек шаарындагы Тыныстанов көчөсүндө мыйзамсыз орнотулган бастырмалар демонтаждалууда. Бул тууралуу мэриядан билдиришти.
Бишкек шаарынын мэриясынын Жер пайдаланууну контролдоо башкармалыгы өз ыйгарым укуктарынын алкагында муниципалдык жерлерди мыйзамсыз жайгаштырылган объектилерден бошотуу иштерин улантып жатканы кабарланды.
Маалыматта айтылгандай, текшерүү жүргүзүүгө Тыныстанов көчөсүндө жайгашкан көп кабаттуу үйдүн жашоочусунун кирүү топторунун жана бастырмалардын мыйзамдуулугун текшерүү боюнча кайрылуусу негиз болгон.
«Үстүбүздөгү жылдын 21-майында Башкармалыктын кызматкерлери объекттердин ээлерине укук белгилөөчү жана уруксат берүүчү документтерди көрсөтүү талабы менен билдирмелерди тапшырышкан. Бирок объекттердин ээлери тарабынан Башкармалыкка тиешелүү документтер берилген эмес. Буга байланыштуу Бишкек башкы архитектура жана шаар куруу башкармалыгынын өкүлдөрү, ошондой эле тиешелүү шаардык кызматтардын катышуусунда комиссиялык көчмө текшерүү уюштурулган. Комиссиялык текшерүүнүн жыйынтыгында «24.kg» маалымат агенттиги, M-Maxima компаниясы жана GetGrant билим берүү борбору жайгашкан объекттердин бастырмалары жана кирүү топтору тиешелүү уруксат берүүчү жана укук белгилөөчү документтерсиз өз алдынча курулгандыгы аныкталган. Аталган факт боюнча тиешелүү акт түзүлүп, андан соң объекттердин ээлерине аныкталган мыйзам бузууларды ыктыярдуу түрдө жоюу талабы менен доомат кат жөнөтүлгөн», — деп жазылат билдирүүдө.
Белгиленгендей, учурда Башкармалык тарабынан мыйзамсыз орнотулган конструкцияларды демонтаждоо иштери жүргүзүлүүдө
«Демонтаж иштеринин жүрүшүндө «24.kg» маалымат агенттиги жайгашкан жайга алып баруучу жеңил темир тепкичтин конструкциясы жашыл бакка зыян келтиргени аныкталды. Аймак бошотулгандан кийин бул жерде жашылдандыруу иштери жүргүзүлөт», — деп кошумчалашты мэриядан.
Мунун алдында «24.kg» маалымат агенттиги бүгүн Бишкек шаардык мэриясынын өкүлдөрү агенттиктин кеңсесинин кире беришин демонтаждоо иштерин баштаганын билдирген.
Маалыматта, редакция иштеген кеңсе ижарага алынганын, имараттын бузулушун негиздеген эч кандай расмий документтер көрсөтүлбөгү айтылган. Ошондой эле редакция мэриянын мындай аракетин сынчыл мүнөздөгү макаларга байланыштуу деп эсептей тургандыктарын айткан болчу.
Бишкек шаарынын Ленин районунда капиталдык оңдоодон кийин Лущихин көчөсү ачылды. Маалыматка ылайык, жумуштар Лев Толстой …
Бишкекте «Орто-Сай» базарынын аймагындагы Суеркулов көчөсүндө муниципалдык жерди максатсыз пайдаланган объекти аныкталып, 200 чарчы метр …
Бишкекте автобустун катышуусунда орун алган жол кырсыгы боюнча кызматтык иликтөө аяктап, анын жыйынтыгы мэр Айбек …
Электр энергиясынын авариялык өчүрүлүшүнө байланыштуу суу алуучу курулмалардын иши убактылуу токтотулуп, анын кесепетинен шаарга таза …
Бишкекте жүк ташуучу унааларга убактылуу чектөөлөр дале күчүндө. Бул тууралуу мэриядан билдиришти. Маалыматка ылайык, 20-майдан …
Бүгүндөн тарта Бишкекте Киев көчөсүн реконструкциялоо иштерине байланыштуу 14 автобустук каттамдын жүрүү чиймелери убактылуу өзгөртүлдү. …
