Жалал-Абад облусунун Арсланбап айылында дагы катуу сел жүрдү. Бул тууралуу ӨКМдин маалымат кызматынан билдиришти.
Маалыматка ылайык, кечээ жаап өткөн жамгырдын кесепетинен кокту-колоттордон аккан сел суулары Арсланбап айылында жайгашкан 10 турак үйдүн короолорун каптап, 1 сарайдын дубалын бузуп кеткен.
Окуянын жеринен тартылган видеосу «Короче» Telegram-каналына жарыяланды.
«Селдин кесепетин жоюу үчүн жерине атайын техникалар жана ӨКМдин ыкчам тобу тартылган. 50 жергиликтүү тургун аларга жардам беришти»,-деп айтылат маалыматта.