Бишкек шаарынын Асанбай кичи районунда азык-түлүк дүкөнүнөн өрт чыкты. Бул тууралуу Өзгөчө кырдаалдар министрлигинин басма сөз кызматынан билдиришти.
Маалыматка ылайык, өрт саат 02: 02де чектөөгө алынып, саат 02: 49да толугу менен өчүрүлгөн. Тилсиз жоонун кесепетинен дүкөндүн 40 чарчы метр шыбы, 10 муздаткыч, 2 кондиционер жана азык-түлүк күйүп кетти.
Өрттү өчүрүүгө 1 өрт өчүрүү бөлүмү тартылды. Өрт электр жабдууларын техникалык пайдалануу эрежелеринин бузулушунан улам чыккан.