Астана соту хоспистеги жана балдардын реабилитациялоо борборундагы бейтаптарды кыйноого айыпталган 22 жаштагы медициналык факультеттин студентин 4 жыл 8 айга жалпы режимдеги колонияга кести.
Соттун чечими боюнча, жигит хосписте санитар жана реабилитациялык борбордо физкультура боюнча инструктор болуп иштеп, картаң жана жашы жете элек бейтаптарды дайыма сабап турган. Маалым болгондой, айыпталуучунун күнөөсү видеожазуулар, жабырлануучулардын жана күбөлөрдүн көрсөтмөлөрү менен далилденген.
Соттук отурумда айыпталуучу күнөөсүн мойнуна алып, жабырлануучулардан кечирим сурады. Жактоочу тарап эркинен ажыратуу менен байланышпаган жаза берүүнү өтүндү.
Сот моралдык зыяндын ордун толтуруу үчүн жабырлануучулардын пайдасына эки миллион теңге (4200 доллардан ашык) өндүрүп берүүнү талап кылды.
Өкүм мыйзамдуу күчүнө кире элек.
Жайында жергиликтүү басылмалар Астанадагы медициналык университеттин 5-курсунун студенти хоспистеги улгайган бейтаптарды жана реабилитациялык борбордогу балдарды кордоого шектелип жатканын жазышкан. ЖМКлардын маалыматына караганда, жаш жигит улгайган адамдарда көгөргөн тактар байкала баштагандан кийин хоспистен бошотулган, бирок ал аутист балдардын реабилитациялык борборуна жумушка орношкон.
Астана медициналык университети июль айында 5-курстун студентинин маселеси дисциплинардык кеңеште каралганын, ага диплом берилбей турганын билдирген. 22 жаштагы студентке карата «Кыйноо» беренеси менен тергөө башталып, бир нече айга созулган. Бул иш боюнча сот 19-октябрда башталган. Бул убакыт аралыгында айыпталуучу үй камагында болгон.
Президент Садыр Жапаров бүгүн, 18-апрелде, расмий сапары менен Казакстан Республикасына келди. Бул тууралуу президенттин басма …
Өзбекстанда мамлекеттик органдардын ишин ачык сындап жүргөн блогер Отабек Ахлиддинов 7,1 жылга эркинен ажыратылганын 19-декабрда …
Президент Садыр Жапаров бүгүн Астана шаарына болгон иш сапарынын алкагында Түркиянын мамлекет башчысы Режеп Тайып …
Президент Садыр Жапаров 2-3-ноябрда Түрк мамлекеттер уюмуна (ТМУ) мүчө өлкөлөрдүн башчыларынын Саммитинин кезектеги жыйынына катышуу …
Самарканд шаардык соту 10, 12 жана 13 жаштагы эки кызын жана уулун ашкана бычагы менен …
Кашкадарыя облусунда кескелдириктерди кармап жеген 61 жаштагы жаран 3 жылга эркинен ажыратылды. Бул тууралуу жергиликтүү …
