Президент Садыр Жапаров бүгүн, 3-ноябрда, Түрк мамлекеттер уюмуна мүчө өлкөлөрдүн башчыларынын Саммитинин кезектеги онунчу жыйынына катышуу үчүн Астана шаарындагы «Акорда» президенттик сарайына келди.
Президенттик сарайда иш-чарага келген өлкө лидерлерин жана делегация башчыларын Казакстандын Президенти Касым-Жомарт Токаев тосуп алды.
Саламдашуу аземи жана чогуу сүрөткө түшүү аяктагандан кийин өлкөнүн лидерлери жыйындар залына өтүштү.
Саммиттин ишине уюмга мүчө — Кыргызстан, Азербайжан, Казакстан, Түркия жана Өзбекстандын мамлекет башчылары катышууда.
Венгриянын Премьер-министри жана Түркмөнстандын Халк Маслахатынын Төрагасы саммиттин ишине ТМУга байкоочу макамы бар өлкөлөр катары катышууда.
