Ат-Башы районунда карантиндик режим алына электигине байланыштуу, 7-июнь базар күнү мал базарга башка аймактардан келүүчү жарандарга кирүүгө тыюу салынат. Бул тууралуу Республикалык штабдан кабарлашты.
«Ал эми жергиликтүү калк базардын кире беришиндеги посттон текшерүүдөн өтүп, сөзсүз түрдө беткап тагынуулары, санитардык аралыкты сактоолору керек жана көп убакытка чейин базардын ичинде жүрүүгө болбой турганын эскертип кетким келет”, — деп билдирди Нарын облусунун Ат-Башы райондук мамлекеттик администрациясынын башчысы-аким Нурбек Сатаров.
