Мурдагы президент Алмазбек Атамбаев Чүйдүн Молдовановка айылындагы №27 түзөтүү мекемесине которулду. Бул тууралуу Жаза аткаруу мамлекеттик кызматынан кабарлашты.
Бишкектеги №47 абакта жаткан мурдагы президент Алмазбек Атамбаев келерки аптада Молдовановкадагы №27 түзөтүү колониясына которула турганын буга чейин соттук отурумда журналисттерге билдирген болчу.
Эске салсак, сот Атамбаевди 2020-жылы “Батукаевдин иши” боюнча 11 жыл, эки айга эркинен ажыратуу өкүмүн чыгарган.
Улуттук коопсуздук боюнча мамлекеттик комитеттин тергөө абагында кармалып турган Атамбаев 2020-жылдын 27-октябрында №47 абакка которулган.