Мурдагы президент Алмазбек Атамбаевдин ден соолугу начарлап кетти. Бул тууралуу анын уулу Кадыр Атамбаев социалдык тармактардагы баракчасына жазды.
Анын айтымында, учурда камакта жаткан Атамбаевдин кан басымы төмөндөп кеткен.
«Атамдын кан басымы аябай түшуп кеткен. Дарыгерлердин айтымында мындай абал инсульт же инфарктка алып келиши мүмкүн. Кан басымынын акыркы көрсөткүчтөрүн айтпай жатышат. Бирок жактоочусу кан басымы көрсөткүчү 76-60 экенин айткан», -деп жазган ал.