Мурдагы президент Алмазбек Атамбаевдин кеңешчиси Икрамжан Илмиянов ооруканада жатат. Маалыматты Govori.TVга Жазаларды аткаруу мамлекеттик кызматынан билдиришти.
Маалыматка ылайык, Илмиянов ооруканага 16- сентябрда түшкөн.
“Икрамжан Илмияновдун кан басымы көтөрүлүп, кардиология бөлүмүндө дарыланууда”, – деп билдиришти Жазаларды аткаруу мамлекеттик кызматынан.
2019-жылы 30-октябрда Бишкектин Октябрь райондук соту Икрамжан Илмияновду жети жылга кесип, 1600 эсептик көрсөткүчтө (160 миң сомдун тегереги) айып салуу, үй-мүлкүн конфискациялоо өкүмүн чыгарган. Ал Жазык кодексинин 204-беренесинин 3-бөлүмү («Өзгөчө ири өлчөмдө жасалган алдамчылык») менен күнөөлүү деп табылган. Илмиянов акыркы сөзүн сүйлөгөндө күнөөсү далилденбегенин айткан.
Быйыл 19-июнда бул ишти Бишкек шаардык соту карап, анын жаза мөөнөтүн 1 жыл 6 айга кыскарткан болчу. Мунун жыйынтыгында Икрамжан Илмияновдун жазасы 5 жыл 6 айды түзүп калган. ЖАМК атайын комиссиясынын чечими менен Икрамжан Илмиянов жазасынын калган мөөнөтүн өтөө үчүн Молдовановка айылындагы №26 жатак-абакка жөнөтүлгөн.
Мурдагы президент Алмазбек Атамбаевдин мурдагы кеңешчиси, алдамчылыкка айыпталып соттолгон Икрамжан Илмияновду жоопко тартуу демилгеси көтөрүлдү. …
Мурдагы президент Алмазбек Атамбаевдин кеңешчиси Икрамжан Илмиянов «Лейлек районунун ардактуу атуулу» деген сыйлык алды. Бул …
30-октябрда Бишкектин Октябрь райондук соту И.Илмияновду 7 жылга эркинен ажыратып, үй-мүлкүн конфискациялап, 160 миң сом …
