Министрлер кабинети Милдеттүү камсыздандыруу полисинин (ОСАГО) жоктугу үчүн айыптарды киргизүүнү 2025-жылдын башына жылдырууну жарыялады. Бул тууралуу Экономика министрлигинин сайтында маалымдалат.
Мындай чечим 2023-жылдын 24-мартындагы токтомго ылайык, адегенде 2023-жылдын 1-апрелинен тарта чет элдик унаалар үчүн, ал эми 2024-жылдын 1-январынан тарта Кыргызстандын аймагында катталган транспорт каражаттары үчүн айып салуу каралган. Жылдыруунун негизги себеби тамак-ашка, коммуналдык кызматтарга жана башка турмуштук маанилүү товарларга жана кызмат көрсөтүүлөргө баанын жалпы өсүшү болуп саналат.
«Жогоруда айтылгандарды эске алуу менен Кыргыз Республикасынын Министрлер Кабинети республиканын калкынын жыргалчылыгы үчүн автотранспорттордун жоопкерчилигин милдеттүү камсыздандыруунун мөөнөттөрүн жылдыруу жөнүндө чечим кабыл алды. Ошондой эле, OСAГO мөөнөтүн кийинкиге жылдыруу камсыздандыруу рыногуна 2025-жылдын башында масштабдуу OСAГO өткөрүүгө жакшыраак жана кылдат даярданууга мүмкүнчүлүк берет»,-деп жазылат маалыматта.
Белгилей кетсек, Кыргызстанда автоунаага милдеттүү түрдө камсыздандыруу эрежесин киргизүү аракети бир нече жылдан бери көрүлүп келет.
